Posts Tagged ‘Ghalib Ayaz’

“Andhiyon ke amal dakhal me rahe Ghalib Ayaz”

Kucha e dilbaraan ke the hi nahin
Ahl us imtehaan ke the hi nahin

Andhiyon ke amal dakhal me rahe
Hum kisi aashiyan ke the hi nahin.

Sah gaye rizq ke liye wo lafz !!
Jo hamari zabaN ke the hi nahin.

Chara gar se wo zakhm kiya bharte
Jo adoo ki senaan ke the hi nahin

Jis ka anjaam khush nateejaa ho
Hum to us dastaan ke the hi nahin.

Read more…

Share This Post on:

Khush numa lafz ki sawari bas Ghalib Ayaz

Khush numa lafz ki sawari bas
Shahr walon ko ek madari bas

Ishq me aur kya hua hum se
Dhang se ki hai ashk bari bas

Ek nauras kali ka gul banna
Zindagi!! teri payedaari bas

Fasl e gul kaynat ki, mujh ko
Teri chahat ki aik kiyari bas

Manzilen ghair ke liye makhsus
Apne hisse me khabkari bas

Read more…

Share This Post on:

“Bahte daryaa men utar jana tha” Ghalib Ayaz

Bahte daryaa men utar jana tha.
Khaak the aur bikhar jana tha.

Us se bichhre to zamaanaa beeta
Ab talak zakhm ko bhar jana tha.

Maan letaa hun tujhe hi manzil!!
Ab kahaan yaad kidhar jana t ha.

Hausle ham ne bachakar rakkhe
Jab hamen had se guzar jana tha.

Jaan !!! is hijr pe ronaa kaisa!!!
Ek din yun bhi to mar jana tha.

Read more…

Share This Post on:

Ek sookhaa saa shajar yaad aaya Ghalib Ayaz

Ek sookhaa saa shajar yaad aaya
Aaj bhulaa huaa ghar yaad aaya.

Manzilen jab na muyassar aayeen
Khushgumaani kaa safar yaad aaya.

Ghar banaane ki thakan yaad aayi
Aur phir raqs e sharar yaad aaya.

Uske hathon men kharashen dekhin
Tab hamen apna bhi sar yaad aaya !

Geet gaate hue logo, tum ko
Kya koi chaak jigar yaad aaya.

Read more…

Share This Post on:

“Hawa ke hont khulen, saa’at e kalaam to aaye”

Hawa ke hont khulen, saa’at e kalaam to aaye
Ye ret jaisa badan, aandhiyon ke kaam to aaye

Hamara sar na uthaaye wo apne sar se buland
Rayees shahr ko aadaab e qatl e aam to aaye

Use udaas na kar de ye meri tez ravee !!
Main abke sust chalun wo subuk kheraam to aaye

Munafeqat ki sabhi tohmaten mujhe dede
Mere tufail rafeeqon me tera naam to aaye

Read more…

Share This Post on:

“Abke ye ehteyaat bhi kar jaanaa chaahiye !!! Ghalib Ayaz”

Abke ye ehteyaat bhi kar jaanaa chaahiye !!!
Andhi se qabl khud hi bikhar jaanaa chaahiye

Haan jab mujhe jamood ki tohmat hi mil gayi
To dil se bhi khayaal e safar jaanaa chaahiye

Sab raaste hisaar ke jangal me qaid hain !!!!
Kiya faisla karen k kidhar jaanaa chaahiiye !

Rahzan to sab kamaayaa jua maal le gaye
Ab sirf jaan leke na ghar jaanaa chaahiye !

Read more…

Share This Post on: